السلام علـيكم ورحمـة الله وبركاته

يسعد صباحكم

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
نويت أسيّر لكن لمن مسياري = لله مالي ومال العالم الهالك
البعد ماهو مسافة بين الاقطاري = البعد بعد القلوب اليا حصل ذلك
والا المسافات نقطعها بالاسفاري = نسرح ونسري الظلام وليله الحالك
اليا سلمت الصدوف وقدّر الباري = تبا تجي من تحبّه كان ما جالك
فالأرض سيارةٍ فالجو طيّاري = واليا سلمت الحوادث تم ميصالك
البعد ماهو بهم ودوس الاخطاري = لابد تاصل هدفك اللي على بالك
لكن بعد القلوب اليا جرى الجاري = تبعدك لو كان عن عمك وعن خالك
وترى الحسد للقلوب اخطر من الناري = يا حاسد الناس فال الله ولا فالك
يورث عداوة مابين الجار والجاري = يا غافل اسمع عسى الله يصلح احوالك
ماله دوا غير ذكر الله فالأسحاري = ارجع لربك ليا من الغضب شالك
[/poem]

وسلامتكم