غزليـّه : )
[poem=font="Simplified Arabic,5,black,bold,normal" bkcolor="transparent" bkimage="" border="inset,2,white" type=2 line=1 align=center use=sp num="0,black""]
حي ّ هالطلّه وحـي ّ الابتسامـه=حي ّ من بدد دجى الظلما جبينـه
وسع عين وطول عنق وزين قامه=ما خلق فالبيض زين ٍ مثل زينـه
والله اني لارفعه وارفـع مقامـه=واحفظ اسراره واهين اللي يهينه
ياقمر نصف الشهر ليلـة تمامـه=يشبهك بـدر التمـام وتشبهينـه
ما عليّه يوم اغنـي بـك ملامـه=من يلوم اللي يشوفك قـدم عينـه
انتي اللي ما على هامتك هامـه=طبي الحفله وسوّي اللـي تبينـه
قوّمـي الدنيـا عليهنّـه قيـامـه=اقهريهن واملي انفسهـن غبينـه
واتركي الليل يغطا جيدك ظلامه=وان تقدم حاولـي انـك تفهقينـه
والسلامه وين انا ووين السلامـه=وين انا واللي تبيه النفـس وينـه
لازمي في مبسم ٍ تحـت اللثامـه=ابردي به حـر قلـب ٍ تسكنينـه [/poem]
..
|