للتواصل مع المواهب .

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]

كل ماهب ذعذاع الهوا من شمال=ودي افتح بصدري نافذه للهبوب
كود يبرد لهيبا ً بين الاضلاع طال=قبل قلبي بصدري من لهيبه يذوب
كنها في قفص صدري تفوح الدلال=نارها في ضلوعي ولعوها شبوب
كل ماجت بتطفي زودوها أشتعال=مابقا ضلع في صدري ماهوب محطوب
واقعا ً عايشه ملموس ماهو خيال=مارضيته ولكني عليه مغصوب
لو بغيت اتجاهل ماقدرت احتمال=ضحكت الغش في وجه الزمان الكذوب
اكتم الغيض واخشى شدة الانفعال=واتهرب من الواقع ولا من هروب
بين طول الامال وبين قصر الاجال=وبين فرصة نجاح وبين خشية رسوب
يستمر الكفاح اللي عليه الجدال=يمكن المستحيل يصير قبل الغروب
دام برق الحيا يبرق بعرض الخيال=صادق الغيث تفرح به عطاشا القلوب
ينبت العشب والضميان يشرب زلال=ويكثر الخير ويعم الامان الدروب
اللهم ارزق المسلم برزقا ً حلال=واللهم اكفنا شر الفتن والحروب
في لساني جواب وفي خيالي سؤال=والاجابه صريحه والسؤال محجوب
واتكالي على ربي عزيز الجلال=السميع البصير المطلع بالغيوب[/poem]