دخيل البرد يانارٍ تحت حدب الضلوع العوج
سببهـا واحـدٍ مـن شبهـا ماجـا يطفيهـا
رمى فيها قديحة نار حبـه واحـدٍ عمهـوج
وخلاني بعد فرقاه طـول الوقـت اصاليهـا
على ذكرى هواه تذوب في بحر الغرام ثلوج
وتعيش الورده الذبلانه اللـي جـف ساقيهـا
تحطم مركب الاحلام بين العاصفه والمـوج
تحدته الظروف وغرقـت الرحلـه ومافيهـا
توشحت الهموم اللي بعضها بالفرح ممـزوج
وعلى منهج قصيد بن الملوح قمـت اغنيهـا
ادور للأمل لو بالخيـال الواسـع المنسـوج
سوات اللي يدور حاجـةٍ ماهـوب لاقيهـا
غرامٍ يقطع القلب الشقي ماهوب صف هروج
على فراق الهنوف اللي ولي الكون حاليهـا
ولو جني بنات ادم وحوى فوج بعـده فـوج
حرام اني مالاقـي بينهـن وحـده تحاليهـا
عسى ربي يخلي للصبايا المسكره والـروج
لاجل ماتسقط اقنعة البشـر ويبيـن خافيهـا





الله الله



اي بالله ترضينا وزيادة يازياد



بيض الله وجهك وصح لسااااانك