[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الشكر لله وحده والثنا له = كافل الأرزاق خلاق البريّه
عون من يلجأ بعزته وجلاله = الكريم اللي بعث فينا نبيه
أشكره وأثني عليه بكل حاله = وأسجد لوجهه شكر فضله علّيه
مؤمن صالح وفي دنياي داله =بس ما آكل غير من صنعة يديّه
ما طلبت أحد يسعادني بماله = ولا قعدت أضرب فالأرض بلا هويه
أعرف وجيه الرجال أهل الجماله= وأعرف وجيه المساكين الدنيه
أمدح الطيب ليا جابوا مجاله = وأتنومس به ولو ماني خويّه
مدحة الطيب مع الطيب شكاله= كلمة تلقى مع الناس السويّه
وأن عرض لي واحدٍ محسوب عاله = اسفهه خوف أن تلحقني زريّه
أحفظ لساني عقل ماهو جهاله = وعن كثير القول يكفيني أشويّه
لو يقال القول قيل فلان قاله = والبشر جبلت على حب الوشيّه
كم ضعيفٍ رايحٍ يمشي بفاله = لبسوه ولبسوني ثوب زيّه
وجهوا له من حكى فيه وحكى له = وأدبلوا قول الضعيف بسوء نيّه
والزمن كمل على التالي وازاله = والليالي والظروف السرمديه
هي كذا الأيام ما حيٍ صفاله = كل ابو وقته كذا شمسه وفيّه
والشكر لله ربي والثنا له = والصلاه أزكى على محمد نبيّه
[/poem]