[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ورد للفكر هاجوسه وعانق ضيفـه اللـي جـاه=تضويته كما الضاوي بليل وفـي شتـاه محيـل
وقلّطته على جمر الضلـوع اللـي حمـو دفـاه=وقهويته من الشريـان دمـي لا يقـول بخيـل
تبادلنـا السوالـف واسفهلينـا واخـذت اريـاه=وبادرني سؤال القاضي اللي مـا بحكمـه ميـل
ونبهني لكلمة سـر غامـض ماعرفـت اقصـاه=وطلبته يرفع الجلسـه وعيـا وابتـدا التعجيـل
تقابلنا بـلا موعـد واثـر حكـم القـدر خفّـاه=مساره في طريقي واتضح لي منـه نـور بليـل
مناجاة الحروف اللي لـو انـه مخفـيً مغـزاه=تبيّن للحروف مـن التناجـي والـورود إكليـل
تباشر وجهه الضاحك وانا يمنـاي فـي يمنـاه=وعطيته من عهودي للوفاء وافي عهد حلحيـل
بدت شمس الضحى من يمّتي واسابق لممشـاه=على يمّة غروب الشمس وارسم لوحة التشكيـل
خليجً يختلج موجه بصـدري ماعـرف مرسـاه=وبحرُ ثارت امواجه غضب من ناتـج التحليـل
اهدّي في غضب بحرٍ مـن الثـوره تدفـق مـاه=واركّد للخليـج امواجـه اللـي يذهبّـن الحيـل
لك الإحساس وافواج الغلا مـن قيـس ياليـلاه=عهودً للوفـاء بمـن نـزل القـرآن والإنجيـل
بقى سر الغـرام بخافقـي واقـر لـك بمضـاه=له اغصان الشجر مع كل حرف امضاه صار يميل
ولكن باقيً لي ديـن راعـي الديـن مـا وفّـاه=ولا به بيّنة غير الشهـادة مـن نجـوم الليـل [/poem]
|