سعود غنام

الحروب البارده لـو طولوهـا احتـرّت
وانهكت صبري وطاحت للهموم اسواري
كيف ابثبت للشهور ان السنيـن افتـرّت
وكيف ابثبت للنصيب ان الطموح أجباري
العيون بماتشوف من الوجيـه اغتـرّت
والصدور الليل الاسود والمصدق ساري
الوقائـع والحقائـق بالادلـه عــرّت
القلوب اللي بتوليـف القلـوب تمـاري
طاحت من اعلى وفي قاع النوايا قـرّت
جاري التعديل والتنظيف منهـا جـاري
سبحـةً فيهـا خـرز تليتهـا وانثـرّت
مابقى لي غير سلكاً من خرزها عـاري
الدلائـل اتهمـت ولا ظنونـي بــرّت
ياظنوني طلعينـي فالسعـه واحتـاري
الهبايـب كـل ماهبـت عليـه طـرّت
كل طاري مرني وانا مابي لـه طـاري
ليت للذكـرى حـدود تحدهـا لامـرّت
كان قلبي من متاعب ذكرياتـي بـاري
كل حاجه ما افادتني بحاجـه.. ضـرّت
والمضـره اتقبلـهـا... وكـنـي داري
جتني ايام السنه تسحب بعضها وجرّت...
من يدي بيع المتاعب وانتحت بالشـاري
لو شمس الحلم من مشرق طموحي ذرّت
اكشفت سود الوجيه وحقدها المتـواري



ابومحمد اشهد ان هذا الشعر الحقيقي الي يمتع الذائقه

صح لسانك مدد ودمت بخيروعافيه