[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
فاس من ياس كسّر عود أمانينا=والأمل ميّت مْن الواقع … اجباري
الصبرملّنا …والخوف مالينا=كم لنا والفرج ما مرّ له طاري
مخلب الحزن جرحه بيّنٍ فينا=وغير مابان .. فيّ وفيك .. متواري
عن عيونٍ تفرّحها مآسينا=وعن قلوبٍ مشاعرها ... جسد عاري
قلّة الحيل والحيله تبارينا=والعزم ضيف لا بايع ولا شاري
كل مابعد موت …الوصل يحيينا=اشتكى ضيق وقته ليلنا الساري
نصبح الصبح لا شاطي ولا مينا=مركبٍ ضمّنا ... في دبرة الباري
ضيّعت ذاكرة الأفراح أسامينا=وأنت داري ( بـ.. علّتنا ) وأنا داري
أقرب الخلق تهدمنا وتبنينا=لو وفانا لهم ... منبع نهر جاري
كل لحظة لقا معهم تعزّينا=والشعور لـ.. مراسيم العزا ضاري
عيش وآعيش والمكتوب واطينا=هذي أقدارك .. وهذي هي أقداري[/poem]
|