[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]


ساري الليل كم ليل" عيونك سرتبه = كل ماجف ماها خالف السيل ديمه
مابقى في رشاها دلو ماحدرتبه = مثل قرم" على الطيه ينفذ بريمه
جت حيام الجهام اللي سرت وجهمتبه = لين ملا حّياض الماء واناخت مقميه
عزتي لليدين اللي ماجتبه غدتبه = من سخاها ذبحها القل يامال الغنيمه
كل ماجاء بيمناها خذته ورمتبه = وسط نار" هشيم العود يلحق هشيمه
راعي الطيب دار الطيب كيف امحلتبه = لين يبست عروقه ذل مدري ظليمه
كل ماطوع الدنيا عصت وعصفتبه = وروحتبه بليا سرج وبلا شكيمه
راح عمره يناحيها وهي مادرتبه = واقف" لزمن وقفة غريم الغريمه
مابقى من عناها شي ماجربتبه = وكل مارخت عزومه قام صبر وعزيمه
واضحكت له ودار بّه الرحى واغدرتبه = لين عود مثل غرس" عروقه سقيمه
وش ورى الليل ياحلم" عيوني غفتبه = عين فيها انتصار وعين فيها هزيمه
آمنت به بعد مامنت به واكفرتبه = اثر بعض الهقاوي عاقبتها وخيمه
لاتقول ان رجلي كل درب" مشتبه = كان ضاقت فجوج القاع ذب الخريمه
كم صميدع عقب ما اجنب عليها اشملتبه = لين عاف الخطام وضيع شداد ريمه
[/poem]