مستور الذويبي

يا قلب وش باقي بعدها تمناه؟
راحت ومعها ما بقى من أماني
حبيبتي وأنا حبيب المعاناه
والليل، وجزال الشعر، والمعاني
شاعرك لا هب النسيم وتلقّاه
ما كن في صدره ضلوعٍ محاني
أنتِ وزن بيته، وقافه، ومعناه
ما عاش ف احساسه معك شخص ثاني
اللي لقى له عمر وشلون ينساه
من بعد ما عاشه ثواني، ثواني؟
مستقبله فاته، وحظه تعداه
حزنه وطن، وظروف وقته مباني
يا بعد تفكيره، ويا طول مسراه
حتى الدروب اللي مشاها تعاني
لو قال للعالم شعوره وشكواه
طالت عليه ألسن، وسدت أذاني
حبيبتي يا أجمل العمر، وأقساه
حاولت لكن ما سمح لي زماني
وقتي تلقاني، وحظي تقفاه
وأخذ من هموم الزمان وعطاني

الله الله الله ..

ماشاء الله عليك يابو محمد ..

مبدع .. ومنور الصفحه بطلتك البهيّه

لاهنت يابو غازي على التنويه

محبتي لكما ..

عشرين عام ..وماتغيّر ولاشي!
نفس الرسوم اللي على باب دارهـ
حتى شبابيكـ التلاقي كما هي!
النقش ..وألوان الحشب ..والستارهـ
معقول ياقلبي قديم الهوى حي!
بشّر ..وأخذ مني كبير البشارهـ