بسم الله الرحمن الرحيم
السلام عليكم ورحمة الله وبركاته
اليكم اعضاء المرقاب مقطوعتاً جديده ارجو ان تنال اعجابكم

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

الله من عينن سهيره بليلها = تسهر مع نجوم السماء وتحكيلها
تسهر على ذكرى وليفن هجرها = من بعد عنها غاب وانكر جميلها
وانا الذي تعبتها لأجل عينها = ومن عقبها والعين هذا حصيلها
عذرن على كل العذارى تفوقت = ياكن قلبي صفحتن تنطويلها
احتار فيها كل ماجيت اوصف = قلبي على الجمره غلا ينشويلها
اليا اقبلت كن القمر في جبينها = وان ادبرت يستر ضهرها جديلها
والخصر ناحل ورقبتها طويله = والردف يرفع عن كعبها شليلها
خيول حبه وسط صدري محدده = في كل يوم اسمع بصدري صهيلها
وراسي ماعودته على الانحنايه = لكن من حب وولا ينحنيلها
وانا ادعي الله كل ماجيت اصلي = انه يطمني عليها واجيلها
يا جعلها تسمع كلامي وترجع = حتى طيور الحزن تخلي سبيلها [/poem]