[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الله من ضيقه بصدري وتجريح=عكس الصدور الساليات المريِحه
جتني همومي والمواجع مراويح=والقلب عيا لايطيع النصيحه
كنه ورى قفلٍ بليّا مفاتيح=ضاقت عليه الواسعات الفسيحه
عزالله انه قبل هااليله اصحيح=مادق أبه هوجاس والاّ قريحه
الواقع اقشر والاماني مدابيح=اللي كلاها الذيب واللي ذبيحه
شواهدٍ ماهي بتحتاج تلميح=بالعين يامترديه يانطيحه
ماعد يوجد في البقاله مسابيح=توميبها الشعار مع كل ضيحه
ياوجد وجدي يالعطاوي شليويح=وابياته اللي مانظمها مديحه
ماقالهايرجي وراها مصاليح=ولآوصف مكياج حضرة سميحه
مادورالتصويت من شأن ترشيح=ولا قدمته ام الرموش المليحه
ياناس وضع الشعر محتاج تصحيح= صويب وامسا بين قوّمه وطيحه
تناتفوه اهل النفوس المشافيح=وتجنبوه اهل العقول الرجيحه
ظهر علينا في الاذاعه سلاتيح=قمة هزاله والموارد شحيحه
ذيك الجبال اللي حصاها دراميح=يمكن ترفـّع عن دروب الفضيحه
الا انت ياللي ماخلقلك مكابيح =في كل منبر تنفرد لك بصيحه
قد قالها الشلحاط مدريـ /ايش والشيح=وانا بقول الله يآللفضيحه[/poem]