نسأل الله العفو والعافيه


وبالنسبة لحقوق المرأة فالاسلام كفيل بها

فهي الأم والأخت والزوجة والبنت

فهي من نشكي لها همومنا وراحتنا من عناء الحياة



لي وجهه نظر في الشحوم المتكدسه

هناك عدة حلول للتنحيف :

1- تسفير الخدامه .

2- قيامها بواجباتها الاسرية من غسيل وطبخ وغيره .

3 - عدم الاكثار من الأكل وخصوصا المكسرات أوقات ذروة أكل أعراض الناس .



طبعا ليس الكل ولكن البعض .



هذا بالنسبة للشحوم وبالنسبة للتسليه فالحمد لله كل بيت فيه الف باب للتسليه والترفيه

لو تلاعب بزرانها ولا عيال اخوانها ولا عيال جيرانها انبسطت .

ولا يطلعها وليّها بعد الله لأقرب حديقة ولا منتزه في الاسبوع مره أو مرتين . أو أو أو


كثير مظاهر وأماكن التلسيه .


اما نوادي خاصة فيهن فلا حول ولا قوة الا بالله .

اسمح لي ياعبدالرزاق أقولكم سالفه حصلت معي أنا


وديت عيالي لحديقة الحيوانات في الملز ويوم قصيت التذاكر قال السكرجي

أوووه آسف أقصد السكرتي موظف الأمن (( ممنوع ياالحبيب تدخل )) عايلتك فقط


فعلا من قال الكلام ذا ماهوب صاحي .



قلت وش تقول أنت قال للعايلة فقط بدون رجال ههههههههههههههههههههههه


وقفت ماني مصدق كيف للعايلة بدون رجال قال ايه للحريم والاطفال بس قلت ليه

طال عمرك قال يشتكون العوايل من المعاكسات ؟؟؟

قلت طيب صح أنا لو دخلت راح أغازل وأرقم وأضايق بنات الناس وعايلتي معي ماعلي

من أحد أبدا ضحك السكرتي وفرح وقال علشان كذا نمنع دخولك .

قلت طيب يافالح مافيه عمال أجانب داخل الحديقة ؟؟؟ ولا هم ماهم ريجيل .

هنا فتح فمه المدود وقال اوامر من رئيسنا وأنظمة مالنا فيها شغل .


يعني نزل عايلتك وتوكل على الله في مكان كله عمال ولا تدري من فيه واسكت

اذا تبي عيالك يشوفون كذا حيوان . رديت فلوسي ومشيت والله لايبلانا بس .



ملاحظة ودام الموضوع تشعب ودي أقولها :

معظم الرجال أزواج استراحات ماكن عندهم زوجه تبحث عن السعادة

يجي من الدوام ونوم والمغرب يأخذ طلباتها من السوق وينزلها وهو يعدي

وراح للاستراحة للساعه 2 وجا وهي نايمه ولا رقد مايسولف معها لو بسالفة .

(( خيركم خيركم لأهله ))


ولو نعطي كل ذي حقٍ حقه ماعلينا من اللي ينعقون

بحقوق المرأة اللي ماشرعها الاسلام والمقصد افسادها ولو فسدت لفسد البيت كله .


ماعليش ياالذيابي لياصرت جوعات كثرت من الردود

والف شكر على الموضوع

.