[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياصاحبي مالك عليه مداخيل=دور على المترديه والنطيحه
عيني على حد السماء تسبر سهيل=(وان ضاق صدرك ماتضيق الفسيحه)
بعيد عن درب الرديين والميل=ماني على ربعي ياهافي فضيحه
اقف مواقيف الرجال الحلاحيل=والرجل فالميقاف يعرف قريحه
ماحط سرج الخيل في غارب الفيل=احرص على شان النعم والمديحه
ماني من للي يتبع القال والقيل=اصد عن كل العوم القبيحه
ابعد وراك اشوي يابارد الحيل=كلن على ماقيل يعرف نطيحه
منته خصيملي لو تحط وتشيل=لوصدرك امن الغيض يكثر فحيحه
قدري رفيع امع الرجال المشاكيل=يمناي ماهي للمرجل شحيحه
قولن بلا برهان ماله محاصيل=افهم كلامي والعباره صريحه[/poem]
|