[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black""]
في هالوقت شفنا مايسر ويضر العين=يدور الزمان ودورة تضهر الخافي
الا يارفيقي ليه تلعب على الحبلين=مدامي معك ياصاحبي واضح او وافي
انا ماتغير موقفي فالعسر واللين=انا ماني للي بالرخا بس ينشافي
انا معك وافي يارفيقي ليوم الدين=امدلك يمنايه واشيلك على اكتافي
صداقة عمر ماهي صداقه قبل يومين=لاكن كيف غرك كل عاذل ومزهافي
وانا خابر انك من رياجيلن امسمين=رجالن تروم المجد وتكرم الافي
انا ماشرهت الا على اصحابي الغالين=ضعيف العزم عن دربه اخذت محرافي
انا ماني ابثعلب ولا اني غارب البين=ولا اني على غرات الاجواد مهيافي[/poem]
|