ههههههههههههه

الحريم مهن بهينات , اذبح المره ولا تجيب لها طاري العرس


ذكرتني بسالفه

هذي يقول فيه وحده اهلها في ديره وهي مع زوجها في ديره المهم توفا ابوها الله يرحمه ودرى زوجها بوفاة ابوها عن طريق احد اخوان زوجته المهم ان الزوج ابتلش مايدري كيف يعلم زوجته بخبر وفاة ابوها
اخذ يوم كامل يفكر كيف يعلمها وش اقول وش اسوي وبعد تفكير وشيل وحط قال مافيه الا الطريقه هذي راح لزوجته قال يأم فلان عندي خبر مدري يجوز لك والا مايجوز لك قالت وشهو ؟

ويجيب لها آيات من القرآن واحاديث عن تعدد الزوجات وسوالف وقصص يام فلان انا تزوجت قالت وش تقول قال جاك العلم وتقوم وتخمخم عفشها واغراضها وتلعّن ولا خلت شي ماحطته فيه ياخاين العشره ياللي فيك مايخطيك قم ودني اهلي معاد ابيك ولا عاد ابي العيشه معك وابي طلاقي المهم الرجال ساكت ومتحمل ويركب هو وياها ما احد يكلم الثاني والمره من يوم مشو وهي تبكي وتلعن وتهاوش وفي نص الخط قال يا ام فلان تبين الصدق قالت وشهو ؟

قال انا امزح معك ماتزوجت بس ابوك مات

قالت اشو والله انك روعتني متى مات ابوي قال مات امس قالت الله يرحمه كلنا نبي نموت بس لاعاد تمزح معي بالمزح اللي زي كذا وتكمّل بكاها على ابوها بس مهوب مثل بكاها الاول
ويرحون لا اهلها ويشاركونهم العزا ويعودون والاخلاق زينه

وسلامتكم
والحريم قابلهن الله
الله يجزاهن عنا خير


لاهنت ياسلطان