صباح الشِعر ..

متواضعه علها تشفع للغياب ..



[poem=font="Traditional Arabic,5,darkred,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
على ضو القمر لا هب نسناسك يا نهر النيل=أشوفه فيك وآشم فــهبوبك ريحة أطيابه
فضح همي خرير الماء على مسمع سكون الليل=يسولف للنجوم المرّقبه عن (قصة غيابه)
وأنا آساير هواجيسٍ تحط بداخلي وتشيل=وأشوف الشعر عن مجلس عزا الشاعر فتح بابه
حبست الدمع لكن القلم هل المحابر سيل=هدم فيني سدود الصمت وأحيا الهم فـكتابه
على ذكرى وداع العام الأول في شهر أبريل=غفيت ولا صحيت ألا بحلم وعود كذابه
وقفت بجرهد الماضي عسى الحاضر علي يخيل=يهل الفرح بأوقات الغريب ويروي أتعابه
غريبٍ خالف أحكام الغرام ولا لقى ترحيل=يهيم ولا لقى فـأسوار هم البعد بوابه
تحدت جيله أعضاءه و رُوحه تحترق في جيل=كسر عين الزمن يوم الزمن كشّر عن انيابه
حبيبي من كرم هجرك غدا كف الزمان بخيل=سنين العمر يا عمري بعد فرقاك تتشابه
تساميتك على سود الليالي و إنطفى قنديل=ضويتك صبح ما شفت بـفضا تحنانك أسرابه
أشد الحيل لا شفتك تشد لهالطعون الحيل=وأحرر عن جسد طيفك غطا غدره وجلبابه
تعال وحرر طعونٍ نمت من كثرة التمهيل=تعال وعايد الجرح القديم وبدّل ثيابه
عليك الجرح و طعونه، علي الدمع والمنديل=علي الغيم لا جفت عليك حلوق غيّابه
حبيبي صدري البيدا وطعناتك حوافر خيل=تسابق بين هقوات الخفوق وشرهة عتابه
وأنا من كثر ما أبجل غرامك ما بقى تبجيل=سوىَ إني أعيد العمر في نجواك وأحيابه[/poem]

هم يحسبون الحب ، رقص و سهر ليل
غاوين / تجمعهم على الغيّ .. [ حفله ]

و أنا أشوف الحب ، من باب تجليل :
قلبين / تجمعهم على العزّ .. [ طفله ]




http://twitter.com/f_al36awi

.