ماعلي خلاف طيـب يامشـاري
محتزم بالصبر وضلوعي متينـه
لو بدا للحزن في وجهي مواري
لايهمك والحـزن تبـت يدينـه
مؤمن بامر الولى والحكم جاري
واحمد اللي سن حكمه واستعينه
كل ماقام يتبسـم لـي نهـاري
جعل ليلي ماتشيب رموش عينه
اعترافي بالخطا ساق اعتـذاري
اطلب الغفران وذنوبـي دفينـه
ماحفت رجل على طول المساري
التعب مخلوف والطرقـا ثمينـه
رجعت بيـن الحـرام اعتبـاري
واغمرتني بالخشوع والسكينه
خاطري لاضاق من كثر الطواري
ينشرح مابيـن مكـه والمدينـه
اجتمع الجمال
جمال الحروف وجمال الصوت العذب الندي
ما عليكم خلاف يامبدعين