[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

لاح بــرقٍ(ن) واستخيـلـه طــال ليـلـي وارتـجـيـه=انتـظـر هـتــان ديـمــه للـفـيـاض المـمـحـلات
ذعـذعـي لــه يالهـبـايـب يـــم داري واجـذبـيـه=دام وسـم الوقـت تـوه بالسنـيـن المجحـفـات
الحيـا للـنـاس رحـمـة وكــل نـفـسٍ(ن) تشتهـيـه=ينعش الروح العليلة ويحيي عروق النبات
آآآه يـاقـلـبٍ(ن) تـمـنـى للـفـضـا وضـاقــت عـلـيــه=ولادري وش يخفـي زمانـي باليـال المقبـلات
وآآآه ياكـثـر المـواجـع لانتـصـف لـيـلـي تـجـيـه=نشـّف الريـق بلهـاتـي والعـيـون مغـورقـات
وآآآه يــاجــرحٍ(ن) سـطـىابــي والـحـنـايـا تـحـتـويــه=ان سـكـت اكبرمـصـيـبـة وان حـكـيـتـه للـشـمــات
وآآآه يـاسـمٍ(ن) جرعـتـه مــن حبـيـبـي واحتـسـيـه=من نشدني عـن مذاقـه قلت لـه سكـر نبـات
وآآآه يـالـيـل الـسـهـارى لـيــه نـوحــي تهتويه=ما كسـبـت الا التـعـاسـه والـجــروح المـوجـعـات
وآآآه ياكبر الخساره راح عمري واحتريه=يلتفت لي في وقاري صاحبي قبل الممات
مابقى عندي مناعه كل عرقٍ(ن) يشتكيه=ويتلذذ في عذابي واعشقه سيد البنات
يالاقـلام الخـرس خطـي مـا جـرى لـي واكتبـيـه=واسمعـي ونــات جـوفـي ياالنـجـوم السـاهـرات
[/poem]