04-06-2010, 03:19 AM
|
#9
|
|
مستشار إداري
|
بيانات اضافيه [
+
]
|
|
رقم العضوية : 1920
|
|
تاريخ التسجيل : Nov 2008
|
|
أخر زيارة : 12-05-2020 (10:29 PM)
|
|
المشاركات :
17,650 [
+
] |
|
زيارات الملف الشخصي : 59937
|
|
الدولهـ
|
|
|
لوني المفضل : Brown
|
|
سلطان محمد العطاوي :
[poem=font="Traditional Arabic,5,black,bold,normal" bkcolor="transparent" bkimage="backgrounds/27.gif" border="ridge,10,orange" type=0 line=0 align=center use=ex num="0,black""]
سلامي سلام ٍ تالي الوقت مديووون = اقوله وعرّيف الجماعه تقولـــــــــــــه
ولا ياالعصيمي عقب مامات فرعووون = اشوف العرب حطوووك رمز البطوله
[/poem]
د / حمد العصيمي :
سلامك وصل وانته مجمل وممنون
ورده هلا يا مرحبا با السهوله
تحطون والا يا عرب ما تحطون
محد تارك شداده وناحر ذلوله
سلطان محمد العطاوي :
[poem=font="Simplified Arabic,5,black,bold,italic" bkcolor="transparent" bkimage="backgrounds/27.gif" border="ridge,6,orange" type=0 line=1 align=center use=sp num="0,black""]
يدوووم البقا يابو هلاا بس وشلووون = نحرت البعير اللي يشيل الحمووووله
يحطووون الك جمرة على راس غليووون = تفقد شدادك والذلوووول معقوووله[/poem]
د / حمد العصيمي :
انا ما نحرته يا وكالة يقولون
لقيت الكلام وقست عرضه وطوله
شدادي ماهو تمرة على راس عرجون
وكم راس فارس طاح با السيف حوله
سلطان محمد العطاوي :
لابالله نحرته...... والخلايق يشوفون........... كريم السجايا بس يدك مغلوله
يجونك رياجيل"على المووت يردون .......... بعدها تذكر ويش معنى الرجوله
د / حمد العصيمي :
تمنون لكن ما حصل ما تمنون
كبار الهقاوي والقلوب معلوله
والا يا العطاوي لفها با الدركسون
يدين العصيمي ما تجي في حثوله
سلطان محمد العطاوي :
الا ياحمد وش فيك تعكز على الشون......يديني من اهل الموبقات مغسوله
يقولون لأهل الخير مذهب وقانون.......وقانونكم معرووف في كل دوله
د / حمد العصيمي :
على شان اربي با العصا كل مجنون
ليا حاد عن ربه وسنة رسوله
قوانيننا عفرا وقانونك اشلون
عساها ماهي من راس عبله وخوله
سلطان محمد العطاوي :
بلاشي تكثر فالحكي .....وانت مالون......تفرح بعلم الشر لحظة وصوله
بليس المكلف فالسموات ملعوووون.....يضيع على درب الصبا من صبوله
د / حمد العصيمي :
اثر للعطاوي راس نطاح وقرون
يداحم بها الظلعان لا صفقوله
ترى ما انت لا موسى ولا انته بهارون
ولا انت ادم في سماه سجدوا له
سلطان محمد العطاوي :
انا حب راسي صم ماهو بمطحوون.....طلوع الجبل ليته يشابه نزووله
لك الله لوتملك كما مال قاروون.....ترى صاحبك دبل عليك العمووووله
د / حمد العصيمي :
لحون الربابه مزعجه يبن لعبون
ولا ترضي الشيخ وتوافق ميوله
اظنك بطل لكن فا افلام كرتون
لو انك مسند من عيال الحمولة
سلطان محمد العطاوي :
يقول المثل ماأخبلك ياتابع الهوون 0000 ولاقد تبعت الهون لو إتبعوووله
على الضن يادكتور لاعاد تبنووون 0000 أنا لي مع الأمجاد صوله وجوله
|
|
|
|