|
لاعمست الاريا .. سند
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
لاعمست الأريا .. وكثرن الاشوار = سند وخل محدر الراي حادر
وارقا المبادي لجل تنباح الانظار = وتبين لك مواردك والمصادر
تحار فالممشا قدم كل محتار = ويزري عن الطرقه ولو كان قادر
سقها وعند الله تصاريف الاقدار = وخلك على ماقيل دايم مبادر
الارض كيلوات .. والكيلو امتار = والناس ذا قادم وهذا مغادر
ولو تستمع للهرج من كل ثرثار = منته بلاوارد ولا انته بصادر
تصبح على افكار ٍ وتمسي على افكار = وتعيش ناقل هم والحيل فادر
لكن خلك فالمهمات مغوار = وان حانت الفرصه تقدم .. وبادر
[/poem]
الشعر في معنى اللغه يعني شعور=والناس تشرح بالقصيد شعورها
اهل الادب حطوا له اوزان وبحور=وانا بمعرفتي سبحت بحورها
محمد بن راشد البقمي
aborashd_m@hotmail.com
|