* من الإرشيف تقريباً

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
غن يامغني على صوت الربابه =كل ماوافقت الك طاروق غنه
لايهمك لارقيب ولارقابه = العقوبه :نار و التكريم : جنه
خل فوقك من صدى صوتك سحابه= ولارتخن حبال صوتك جرهنه
رتب اوراقك على كسر الرتابه =الرتابه للبشر مثل الأعنه
الاجازه ماش وايامك تشابه =كل يوم يروح منهن يلحقنه
صاحبك مامر لليل الا سرابه = في خياله والقصور يرجعنه
للظروف وللهموم وللكئابه =يمسي ابهن والصباح يصبحنه
استحب الصمت والبوح استعابه=لين شعره رد علم الحزن عنه
مايفارق باله العمر وسرابه =والسنين اللي على الهم احذفنه
وده يسولف على النسناس مابه =والظروف اللي حواهن واحتونه
عند بيتً لونه ابيض من شبابه =واله عمداناً لحلمة يرفعنه
راحة الاجناب في صدره ، وبابه =النسايم لو يسكر / يفتحنه
مات راعية وتعذب من غيابه =ورددن اطنابة / اقلط / واشهدنه
ماش قاعاً فـ الجزيرة مانبنابه =والحدود من العزيمة حدهنه
مر عشر اعوام والقبر وترابه =يحتوي له راس قوم وتبع سنه
لو اقول الذيب شرفت الذيابه =الكرم والدين درباً مامشنه
يفقد الراحه ولايفقد صوابه =دينه وعقله وذكره ثبتنه
من فقد جده بعمراً قد وعابه = مات مامات الشعور اللي يكنه
يوم اجي في البيت بعد اقفن ركابه =كن في صوتي ليا سولفت منّه
ليت عمري يوم واحد من شبابه =واحداً حتى المغاتير افقدنه
كنه اخر شخص من عصر الصحابه =ولو ماني خايف الله شلت ( كنه )[/poem]