سداح

للرائع .. سمران القثامي :-


الصاحب اللي صحبته حسب الاخلاق
ساعة معي طيب وساعة معـي شيـن

اليـا نخيتـه قـام يحـدا وينعـاق
وانا احتزم دونـه بوقفـة وجنبيـن

ان كان فلل خزنته ربـح الاسـواق
انـا رصيـدي ملحقيـن المخليـن

اللي عوائد عرفهـم رفـع الاعنـاق
عونٍ على الدنيا وعون ٍعلـى الديـن

الرفقة اللي ساسهـا غـش ونفـاق
تهـدم مبانيهـا ريـاح الخماسيـن

أما على مبدأ الشرف تاقف السـاق
للرفـق حـق وللصداقـة قوانيـن

والا مراويح القطا وقـت الاشفـاق
يالصحبة اللي حدهـا يـوم واثنيـن

لاصار ماللرجـل كلمـة وميثـاق
ادرج على اسمه واشطبـه فالعناويـن

راحة ضمير ولو على هجـر وفـراق
أتحد من ضغـط الدمـاء فالشراييـن

أخذت من درس الزمن والزمن شـاق
تتعـب متاهاتـه رجـال مسميـن

اخذت درس حافظه حفظ الأحـداق
اراجعه مـن قيمتـه كـل يوميـن

من طاب دله قابله طيـب وعنـاق
يلقى من التقديـر فـوح الرياحيـن

ومن شان دله فـي ثمانيـن طقـاق
لو هو قريب لي ومن عـد الأدنيـن

..

>> هات و دوك ! <<