في اتصال هاتفي مع حارس التانقو :
قلت له العلوم ياروميريو
قال : طيب ابشرك
قلت : انت بتحرس زين ولا مع جنبها ؟!
قال: ياعفاس المرمى مثل عائلتي ولاني مخلي احد يأصلهم وانا سيرخيو !< يتعزوى طبعاً
قلت : والكوره وشلونها معك ؟ طبعاً الكوره جديده اسمها (جابولاني) !قال : الكوره هذي تروع وانا معلم الدفاع قلت اذا جتكم شتتوها ولاتراها في سقف المرمى ولاعنها وعن الهدف !
قلت : ليه ؟
قال: الكوره مرجوجه وإذا اقبلت على الباب قامت ترتج لأنها خفيفه يعني لازم تسلقى على ظهرك على شان ماتجي هدف وعراقيبك ثابته في الارض !
قلت : و علوم المدرب ؟!
هنا طلع دخانه وولع له زقاره وقال : يابن الحلال دييغو مامثله لكن الناس مايخلون المنسدح ، والله ان يومني اسمع صوته وهو فرحان انها تسوى الدنيا ومافيها وثقته في خلتني اجيب اللي وراي واللي دوني !
قلت : طيب الدفاع كيفهم معك ؟
قال: الدفاع مامثلهم ، ووجود خوناس ظهير ايمن يزيد قوة الهجوم ، وهم اربعه ولو كانوا خمسه نزلت القفازات وشبيت ناري وصلحت قهوتي في المرمى ولاعلي من اطلق شنب لأن ماجيني ولا كوره !
قلت : طيب انا بروح للمواهب تامرني شي؟ !
قال: امانتك سلم لي على المرقابيين واحد واحد وبعد المونديال بفتح ركن هادي !
|