السلام عليكم

اسعد الله اوقاتكم بكل خير

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياروح روحي دام حنا من الطين=دام الزمن يومين والعمر فاني

إرحم محبن يشكي الهم والبين =مجني عليه من الهوى وأنت جاني

لويطلبك حاجه تقولين بعدين=رفعت من شانك ونزلت شاني

قررت أنا بعطيك موجز عناوين=دام الزمان اللي بلاني حداني

الجرح ياغض النهد صار جرحين=جرح الغياب وجرح من شي ثاني

حتى بصدري مابقى غير ضلعين=ياللي برمش العين سهمك رماني

تدري ويش أكبر من قضية فلسطين=إني أعيش بوقت ماهو زماني

وتدري ويش اللي يقطع القلب نصفين=يجيك واحد بو ياخذ مكاني

أقولك لو الزمن يرجع سنين=محدن ذكر قلبن بوقته يعاني

واخر كلامي جملتن بين قوسين=((ترى الزمن يومين والعمر فاني))[/poem]