[poem=font="Simplified Arabic,5,black,normal,italic" bkcolor="transparent" bkimage="" border="none,4,gray" type=2 line=1 align=center use=ex num="0,black""]
هذا أنا ياغايتي ماهو منام=وهاذي عيون الشوق ياكل الحنــين

وهذا مكاني من بعدكم كل عــــام=وهذي جروح الوقت والحزن الدفـين

وهذا أنا عفوآ بقايا من حـــطام=ضحية آمال المحبه والآنـــــــين

تعال!مامليت من طول الخـــــصام=تعال ! مامليت من هجر السنـــين

إن كان تلحقني من الدنيا مـــلام=أنا قضيت العمر في حبّك سجـــين

أشعلت في صدري مواعيد الـــغرام=وزرعت في شوك المفارق ياسمـــين

وإن كان باقي لك مشاريه وكـــلام=إحسب حساب العمر والوقت الثمـين

وإن كان غلطتنا تنسينا الســـلام=ماأقول غير الله على الدنيا يعـين

همي يجي بكره على برد وســـــلام=والبعد في فرحة ضميري مستهــــين

تعال شاركني فراقــــــك كل عام=وأقسم معاي الهم والحزن الدفـين

عطني يدينك قبل يسرقنا الظـــلام=نبقى على وجه المحبة عاشقيـــن[/poem]