السلام عليكم ورحمة الله وبركاته
اسعد الله اوقاتكم بكل خير
للتعبير عن المشاعر متعه لايعادلها سوى التواجد في المرقاب
اليكم هذي المشاركه المتواضعه
[poem=font="Simplified Arabic,4,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تذوي حروفي وتلقى منك الاسعاف=وتقوم من علّة الجفوه سليمه
ابعدك والقى القصايد معك وقاف=في كل عينٍ لهن دمعة يتيمه
ليت الغلا بيننا يعمل بالانصاف=كان اقتسمنا سوى حتى الهزيمه
ياغايتي من تسنّادي على القاف=لولاه يرضيك صابته الحريمه
والمطلع اللي مافيه اللام والكاف=احاصره لين اذببّه الخريمه
احبك من الرضى لاسلوبك الجاف=واقسى طباعك لها فالقلب قيمه
اشغلتني عن همومٍ مالها اوصاف=بهموم حبك عسى ربي يديمه
اتركني اعيش صمتك مابه خلاف=يكفي تصون المواثيق القديمه
معك على نبتة الاحساس ماخاف=تعلها كلما احتاجَتك ديمه
لوماتعبر عن المكنون ينشاف=اسكت مادام ان تعبيرك جريمه
هذي طباع البدو من عهد الاسلاف=بقلوبهم صبّت الدنيا العزيمه
مايكشفون الضمير لكل كشاف=واسرارهم في حناياهم مقيمه
[/poem]
وسلامتكم
اختكم