[poem=font="Simplified Arabic,6,darkred,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الليل هوّد ونـزف الجـرح ماهـوّد=وأنا أحسب انه برى وأثره على حاله
وين أنت ياللي تغيب أيـام وتعـوّد=مضى شهر وابتداء فى الثاني هلاله
وانا على غيبتـك مانـي بمتعـوّد=يا مطول أيام هـذا الشهـر وليالـه
والعاشق اللي بحبل الوصل متجـوّد=لوغبت موجود فى قلبه وفـى بالـه
عش فى فؤاد ٍ بصدق الحب متـزوّد=ما معك أحد فيه من جاله الى جالـه
تراه مـن جرحـه النـزّاف متكـوّد=عليك مـا شفـت برّاقـه وهمّالـه
يشوف بعدك بياض أيامـه يسـوّد=حزنه مخاويه فـى حلـه وترحالـه
الله يسامحك كانـه قصـدك تـزوّد=جرحه وحزنه وتشتيتـه وغربالـه
غيرك بداخـل حـدوده ماحـد ٍ روّد=يمدلـك بالوفـاء يمنـاه وشمالـه
يومي من أعلى جبل ويقول لك عوّد=يبيك ترجع من غيابك وترقـى لـه[/poem]