السلام عليكم ورحمة الله وبركاته

طرت وجرت :


[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] شاشه ولوحة مفاتيح=وشاعر ومكنون جاشه
عسى السحاب المراويح=يمطر علينا رشاشه
يشفي قلوب المجاريح=من ضيقة" وارتباشه
كم لي وأنا أقوم وآطيح=ماهيب طيحة عفاشه
أشوف لي خبل وشحيح=يصرف علي من معاشه
هلت دموع التماسيح=ماعاد منها اندهاشه
وراس الطمع والمرابيح=لفارس" في هواشه
وضحا من الفطر الفيح=زينه على كل شاشه
من ذود قوم" مصاليح=ما كل وبّال حاشه
سندتها راس زحزيح=جيّد وسيّد وباشه
وعيّا عليها شليويح=اللي بعيد" مناشه
يقول ربعه مشافيح=وأقول هذي غشاشه
طيب الصدور التباريح=وعيب العظام الهشاشه
ونور الوجيه المفاليح=من الحيا والبشاشه
ماهوب نور المصابيح=يظهر ويكثر فراشه
بأضرب بعيد الصحاصيح=والشوف مابه غباشه
وأقلط على هبة الريح=ولكل ضيف" فراشه
أما سبقت الطحاطيح=والا سبقني عكاشه
طاري وجاري وتوضيح=سددت دينه بكاشه
تلميح من غير تصريح=والوضع يصعب نقاشه
[/poem]