وصل الشهيب

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هواجيسي على العليا تتوقي=تجملني .. وتوفي لي حقوقي
توصلني لياحدً الطناخه = حسب مايقتضي فكري .. وذوقي
أوردها غروب الشمس عندي =واصدرها على وجه الشروقي
والبسها من خيار المعاني =وأغنّيها على عذب الطروقي
وأغذيها من أفكار الفراسه =وأشربها الكرامه من عروقي
وأمشيها على الديباج حتى =يخلّد طيفها في كل موقي
وأعدّيها الطويلات النوايف =تلامع مثل لمعات البروقي
وأغنيها بميقاف النشاما = لأنه ماقفي .. والسوق سوقي
لاجل رجلٍ مشرفني بطيبه = صديقٍ في صداقاته صدوقي
جمعنا الله على عزّ .. ومعزّه =عيال العم برقاوي .. وروقي
وإذا بايسر خفوقي حب برقا =محبة روق في أيمن خفوقي
أجيلك يامحمّد .. وافتخربك =مدام إنّك على الطيب سبوقي
أجيلك .. وأنت واحدمن خواني =وأنا والله على الجيّه شفوقي
أبا أهنيك في ليله سعيده=عسى ربي يبلغك الوفوقي
بجاه اللي خلق سبع الاراضي =وخالق فوقهاسبعٍٍطبوقي
أقوله باسمي ..وباسم خويايه =لفوك بنفس تقديري ..وشوقي
وأنا عنهم هنيا بالنيابه =ولابين الاشقامن فروقي
تصدق يامحمّدمن غلاتك=أحسّ الشعر هذا مايلوقي
لأنك عندي أغلا من قصيده = ليا عنيتهابالي يروقي
لو إن الشعر مابيّن غلاتك=لابيّن له هذا الليله عقوقي
مشاعر شاعرٍ من روس برقا= لكنه في هذا الميقاف روقي
[/poem]
الأخ الأستاذ الشاعر

مستور الذويبي

قلت وطلت

أوردها

وألبسها

وأمشيها

وأعدبها

وأغنيها

هنا . . تكمن الروعه ولذالك لقٌبت ب ( أبو الروائع )

صح لسانك وبيض الله وجهك

وألف مبروك لمحمد المورقي

إن قلت ذويبي
إن قلت مورقي
إن قلت برقاوي
إن قلت روقي

ماتفرق الوسطى عن السبُابه

كلاكما من الهيلا لاعدمناكم

تحياتي لك ولهذه اللتي صخرتها على الصخري

احب ابدي على روس الشواهيق///ومد الشوف الى مالا نهايه
وحب اكتب قصيدي بالمطاليق ///الا يالله لاتقطع رجايه
عيالي حبهم باقصى المعاليق///لهم في قمة الامجاد رايه
رجال صدورهم مثل الصناديق///وكلا له طموحات ن وغاية
إلى غنيت فيهم بالطواريق/// اقول الصدق ماقلته دعايه
الا يالله طلبناك التوافيق /// وجنبنا الحسد واهل الوشايه
-------------------------------------
وصل بن وصل الله الشهيب الثبيتي