|
قائمة رشيد ذعار ..!
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
إن عدوا اهل الكرم واهل المقام الرفيع=بالله حطوا رشيد ذعار في القائمه
اللي مكاسر يدينه مثل نبت الربيع=ما احد يذمه ولا أحد بالكرم لايمه
يضحك حجاجه وصدره للطراقي وسيع=في بحر جوده كفوف اهل الرجا عايمه
صحيح مدات غيره جنب مده تضيع=نفسه على الاوله وقت القسا هايمه
تنشر له الرايه البيضا على كل ريع=والبخل يشنا مجاله والكرم رايمه
يالله تمده بمدك يا مجيب وسميع=شيال حمل الدهر لو الدهر ضايمه
بيته بوادي جهام وكل يوم يذيع=تفضلوا للعشاء والا الغداء دايمه
والنعم بالاد عاصي كلبوهم جميع=ربعٍ بوقت اللزوم حظوظهم قايمه
لعلهم في الوجود وسلم الله بزيع=شيخٍ يلايم مقام العز ويلايمه
في ساعة الواجبه حيدٍ لربعه منيع=ونفسه عن الذل ودروب الخنا صايمه[/poem]
مافيه داعي تنفضين اسود الليل=والليل قد مر العيون وكحلها
لولاه ماصارت رموشك مظاليل=ولا صارلك بين المخاليق ولها
ولاصارلك بشراقة الصبح قنديل=ولا فاح ريحان الفياض ونفلها
ولاصرت انا عاشقك بالحيل بالحيل=ولاذاب قلبي فالعيون وخجلها
|