ابو فيصل
والله العظيم اني لم اكن ناوي ادخل واشارك نهائيا .. أتيت على نية المتصفح العابر لآني مسافر ان شاء الله بعد ساعات .. وقرأت هذه القصيدة وانفتحت شهيتي لتسجيل 20 رد على الاقل بين صفحات المرقاب
تقول في مقدمة هذه الدرّه .. متواضعه جدا
ولا اعلم لو كتبوا مثلها اصحاب النفخ والزمر ماذا سوف يقولون في مقدمتها ؟؟؟
وتقول لتجديد العهد .. واقول صدقت
تجديد عهدك بالبدع الفارق بكل المقاييس
تجديد عهدك بحرفنة الشّعر
تجديد عهدك بالإبداع النقي النقي النقي
والله وبالله أنها من نوادر القوافي العذبه
ولا عن اللون المفضّل لفّه وتحويله
بس قبل لا انسخها كومبليت .. أنت اللي اخذ من غسول الفناجيل فنجال
حي الله .. اعظم شي يطري على البال
يا نشوة احساس الخفـوق .. وحنينـه
تفاولي قلبٍ .. مـن الجـال ل الجـال
روضٍ شذى .. ب خزامـه وياسمينـه
تجثم على دربه .. طموحـات وآمـال
يـا منتهـى حلمـه .. ولـذة سنينـه
قدام يدري .. انتي منين؟ .. ومـن آل
كنتي حديـث يـدور .. بينـه وبينـه
باسمك .. عطى للشعر تقدير .. واجلال
الله يـبـارك فـيـك .. ولا يهيـنـه
يرسم على عيونك من الحرف .. تمثال
وانتـي فقـط .. تقرينـه وتكتبيـنـه
خذا من احلامه .. مشاريـه واهـوال
وبنى .. من انقـاض المدينـه مدينـه
ان جا على عيون الجماهير .. يختـال
وان راح .. خلا العالم تقـول: وينـه؟
حتى وهو شامـخ وقاسـي ورجـال
يـذوب .. لا ضمّـة يدينـك .. يدينـه
وشلون لو عرّج .. على حبـة الخـال
واركـى علـى خـدك .. وغمازتينـه
حنّي عليه .. بشوق واحساس ووصال
دامه يبيـك بصـدق .. وانتـي تبينـه
يغار .. والعالـم .. مشفّـح وعـذال
وكلٍ يغـذّي الشـر .. مـن مقلتينـه
خشّي حلاله عن هـل القيـل والقـال
بجاه من روحه ل روحـك .. رهينـه
واخذي من غسال الفناجيل .. فنجـال
واطْفي لهب من يلتفت لك .. ب عينه!
صح لسانك ما تغنّوا الأحباب .. بكل اللغات وفي كل البلدان
..
|