،’
[poem=font="Simplified Arabic,5,teal,bold,normal" bkcolor="transparent" bkimage="" border="none,4,gray" type=1 line=1 align=right use=ex num="0,black""]
الصمت ستر الهم والدمع فضاح=لاواهني من من بكاه إستراحي
والدمع طير وضيقة الصدر ملواح=تدعيه ويجيها خفوق الجناحي
من وين أجي وأروح ودروبي شحاح=أشقيت رجلي فالمجي والمراحي
والحظ أعرفه لاوقف ساعةٍ طاح=خابره ماهو من طيور الفلاحي
ماني بمستانس ولاني بمرتاح=وقلبي من أحداث الزمن ما إستراحي
فياللي معك لصدور الأجواد مفتاح=مامعك لمحاكيك عزم وكفاحي
أنا قضيت العمر مسرى ومسراح=ومدري متى الايام تطلق صراحي
أعد وش باقي من العمر وش راح=عساي رابح من جميع النواحي
الليل والضيقة وتفريق الأرواح=ثلاث ماعينت منهن صلاحي
أحوووه والعذال نقاضة جراح=مدري وش اللي تكسبه من جراحي
وإعداي تفرح بي على قل الارباح=وأسعد خبر يفرح عدوي مطاحي
باح العزا والسد ياخاطري باح=جريت صوتي مير ماله ملاحي[/poem]
،’
|