هاجوس طـق اليانعـات المنبـه
طقة عصافيـر النخـل للمذانيـب
اسباب من شوفه غـدا لـي سبـه
في حالة تصعب على حالة الذيب
في ليلـة ٍ بـرد الشمالـي يهبـه
ومن الطوى يقنب بعال المراقيـب
غروٍ كلامه شهـد سـدرٍ يصبـه
من مبسمٍ يتقن جميـع الاساليـب
غـدا بقلبـي لـون طيـرٍ تنبـه
حزة عشاه بحوم عكف المخاليـب
يصيح لـه راعيـه واسمـه ينبـه
وعليه فزع كـل ربعـه طلاليـب
وخلاه عقب الشمس غابت وكبـه
دسه معه والطير معه المقاضيـب
جنـا علـي الله ربــي وربــه
ماتنظرون بحالتـه يـا معازيـب
امـا يواصلنـي بحبـه وحـبـه
والا يعالجني من الجرح واطيـب
طاغي دلال وخسر كفـي يضبـه
منتوق عنق مرتب الجسم ترتيـب
وعيـون لعيونـي متاهـات غبـه
يسبح بها شوفي عن الناس واغيب
ولباب في خـدر النحـر مستتبـه
ومجـدلٍ ليـلٍ دجـاوي لياسيـب
على المتون وياصل اطراف تبـه
تدب دقاق الساق با الحمل تاديـب
وقفت اناظـر فيـه كنـي مشبـه
لو ما يشابـه لابسـات الهناديـب
متميـز فيـه العـذارى تشـبـه
با البس والا الزين خلق ومواهيب
قفا عقـب بيـن سلـوك المحبـه
وقفيت اسير الدين والعرف والعيب


الله الله الله


يالفكر ..


شاعر خطير


أستمتعت بجد ..



صح لسانك ..



لا عدمت هذا الحضور الشعري المتدفق


,


كل الود