سلام للجميع فردا فردا

للتواصل والمعذره




[poem=font="Simplified Arabic,6,black,bold,italic" bkcolor="transparent" bkimage="backgrounds/2.gif" border="double,5,gray" type=2 line=0 align=center use=ex num="0,black""]


ياصاحبي وش بقي وش عاد تبغا يبين=لابارك الله فالسرعه وزلاتها
هذا نتيجة خطاك وحقد قلب ن دفين=وانا مالوم النفوس وبعض غاياتها
اخذتها وافيه مابين خده وعين=رح عاد عدل غثاء االزله وشماتها
لاصار مافالبنادم حس دنيا ودين=ماهيب صعبه يدربيها ويقتاتها
جرب واخذ من كلام العالم الاولين=من عال جته الرجال وذاق عالاتها
ولاتحسبنك وحيد العالم العارفين=غيرك ميامين قوم ن ترفع اصواتها
كم واحد ن مايشوف العالم بنص عين=امسى وعينه جداها كض عبراتها
ضول العرب والمجالس حفرة الغافلين=يازين بعض الرجال ومزين اسكاتها
الثرثره ماتوصلك المكان الرزين=والصمت قفل القلوب وحجب نياتها
وليا عطاك الله الحكمه وعرف ن مكين=استثمره فالفضيله وارفع اياتها
واياك وايا النميمه والكلام المهين=مالك ومال الوجيه وكشف عوراتها
من نم نموا به الهافين والطيبن=سلفه وياخذ جزاها من ذبح شاتها
يارب نزه لساني عن قفا الغافلين=يارب عونك على الدنيا وميلاتها
[/poem]



وسلامتكم

أستغفر الله الذي لااله الا هو
الحي القيوم واتوب اليــــه


مــــــــــعدي المرقاب