مطر العازمي

تجديد



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]



عليك الله ياهذا الزمانا=تعاندنا وتبحث في خفانا
ونحن من رجال العرف نحن=كرامٌ من يدورنا لقانا
نعيش بعز بأمر الله والا =نموت لغير ربي ماانحنانا
لنا روسٍ عنيده بالمعاند=وهاماتٍ تحقق مابغانا
نمد الطيب للي يستحقه =ومن مداتنا تندى يدانا
ولا نخلف وعدنا ..في وعدنا=شواربنا تجملها لحانا
وردنا العد واروينا الظوامي=ومن صافيه علينا ظمانا
ونكرم جارنا معنا ويامن=على حاله وماله في ذرانا
ولانرحم عدواً حين نبطش=على روس العدا ياما وطانا
وكم جانا مع الايام جاني =يبا الفزعه وقمنا يوم جانا
زبن بوجيهنا ياسعد عينه=ودارت فوق طلابه رحانا
لنا التاريخ يشهد بالمواقف=بفعلٍ كاتبينه من دمانا
عمرنا الارض بالطولات حتى=وصل فوق الثريا مستوانا
وصرنا بينها والحظ قايم=بفضل اللي من افضاله عطانا
مثل ماقال( قيس) الله يبيحه=بقافٍ كن ناطق به حدانا
فهذي ارضنا فيها ثبتنا=طبيعي والسما هذا سمانا
ياطيب افعالنا في كل حينٌ=يموت النذل مايلحق مدانا
هذا والناس كلٍ فيه حقه= انا ماقلت : لم يُخلق كمانا
على رسلك علينا يازمنّا=ترانا لو تزعلنا .. ترانا
شبعنا من غرابيلك وفعلك= ولا لك حاجةٍ تُطلب ورانا[/poem]