منتديات المرقاب الأدبية - عرض مشاركة واحدة

17-07-2010, 05:09 PM

( قصيده ) من الآرشيف ( القديم ) ..

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

يالله ياللي ترحـم الحـي والميـت=تفـرج لـروحٍ هالبـلاوي بلتـهـا
حدّتني القـدره وضقـت وتوازيـت=ولا همـوم الوقـت من عاقبتهـا
انا طرالـي مـا طرالـي وسجيـت=وعانقت راس الرجم مـن مكشلتهـا
رجمٍ طويـلٍ شـرح لامـن تعنيـت=لاشـك يوّسـع خاطـري لاطرتهـا
زين الطواري والهواجس مراريـت=واكـرّر اعتابـي علـى سيدتـهـا
ياسيد روحي وش جرالـك تخفيـت=عقب اللقـا فـي شوفـةٍ خابرتهـا
من عقب غيبه مدري وين استقريت=( أستغفـر الله ) كـن الارض ابلعتهـا
قليّ علامك يا أريش العين صديـت=للروح مهجـه واكخفـت باجنحتهـا
ماهو صلاحٍ لـك ليـاك استمريـت=الحال هـاذي مـا اتبـارك سنتهـا
وانا ادري انك من همومـك تأذيـت=ودمـوع عينـك تذرفيـن اربعتهـا
اخترت دربٍ عقبنا صحت واوميـت=واتلفـت روحـك والحـلام اتلفتهـا
ماعاد تنفع يا اريش العين لاجيـت=امروقهـا سـود الليـال اشربتهـا
صاير عشا لشبوحهـا والعفاريـت=ولا الكرامـه ماجرحـنـا فئتـهـا
تبع المقفي عيـب لـو ان تلويـت=امن الهموم اللي طوتنـي وطوتهـا
.. ادخل على الله .. من كـلام الشماميـت=ارفـع مقامـي لاتجـي لايعتـهـا
(احفظ شبابي) مـو كماهـم توطيـت=من .. سبّ ينسب .. لو سبـر طايرتهـا
حدتني القدره على الضيقه وأزريـت=الحق هوى نفـسٍ بغيـت ابركتهـا
وماقلت لـك ياحـظ لامـن ترديـت=آرفـق علينـا لاتلخـبـط لغتـهـا
نفسي عزيزه واشتهر بأحسن الصيت=والله كلـف كـل نفـسٍ سعتـهـا
وتمت وأثبت ابيض العلـم تثبيـت=ويالله حسـن الخاتمـه باخرتـهـا [/poem]

,,,,