ابيات للتواصل مع المنتدى الرائد /

[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]


لو ناظرك في الضلوع العوج شرّف وواق=وشاف الصدر من بعد فرقاك وش يحتوي ؟

بيشوف حزنٍ على حزن المخاليق فاق=يهدّ حيل الشجاع المستميت القوي

اهموم وقتي غزتني مثل غزو العراق=ماكنّها ألا قنابل بوش يوم اتهوي

ضيقة صدر ، ضيّقت صدري ، وضاق الخناق=والصدر لاضاق ، ضاق الدافع المعنوي

راحت ثلاثة ليالي في العمر ماتطاق=واليوم رابع ، وحزن الصدر يدوي دوي

ما اقسى من الغرغره والموت غير الفراق=يامن فراقك كوى صدر المولّع كوي

أنا اشهد أن الجفا للنفس مرّ المذاق=شفني بعد غيبتك يازين ماني سوي

مع العرب كنّني خارج نطاق النطاق=والهم ذيبه على حدب الضلوع يعوي

اجرّ صوتي حزن من دافع الإشتياق=عليك ياللي مقامك عندنا من ذوي :

الطلّه اليوسفيّه ، والغلا ، والوفاق=ياللي جمالك طوى زين العذارى طوي

شف كيف صدر الهواوي يوم كتّم وضاق=أنا اشهدٍ غيبتك تشوي الضماير شوي

متى يتمّ الوصل بالحب والإتفاق=ونلوي ذراع المفارق بالمواصل لوي

كانك تبيني غلا لا عاد تطري الفراق=ترى الصدر من شرايين الحزن مرتوي

وتأكّد أن الوضع في غيبتك مايطاق=وأن الحزن في الضلوع العوج يدوي دوي

[/poem]