منتديات المرقاب الأدبية - عرض مشاركة واحدة

22-07-2010, 11:30 PM

:

رسالة جوال غاليه من صاحب الصورة الغالي ,
الشاعر / نواف بن رفاع المصعوك

[poem=font="Traditional Arabic,5,black,bold,normal" bkcolor="transparent" bkimage="" border="double,3,black" type=1 line=1 align=center use=sp num="0,black""]
يابدر مالك فاللوازم معاذير=ولا يعذر الرجال في كل حاله
هاك اللزوم ووصله دون تأخير=للصاحب اللي يستحق العنا له
للصاحب الي مزبنٍ للخواطير=عز الرفيق وعز منهو شكى له
كلٍ يعد فْعوله كْبير وصْغير=وكلٍ يعد الاوله من فعاله
هذاك فالح مانعدّه مع الغير=الصاحب الي مانحصل بداله
ثم قل يافالح وضعنا عقبكم غير=والحب مايترك بنادم بحاله
لايعرف صْغيرٍ ولا يعرف كْبير=وياسعد منهو منشغل عن مجاله
في دربه العالم سواة المصادير=والله يعين اللي وقع في حباله
الحب مايعرف رجال و مناعير=كلٍ يصيح ويشتكي ماجراله
وآنا جزعت من الهوى والغنادير=والله يعين القلب فيما طرا له
وخْتامها صلات ربي بتيسير=للمصطفى الهادي وصحبه وآله
[/poem]

الرد : - ( والعذر ياابو رفاع على قصورها )

[poem=font="Traditional Arabic,5,black,bold,normal" bkcolor="transparent" bkimage="" border="double,3,black" type=1 line=1 align=center use=sp num="0,black""]
هلا بمرسول السعد والتباشير=هات الرساله واخذْ رد الرساله
وصل سلامي للآمير ابن الآمير=نواف ابن رفاع..رمز الآصاله
ماانطق لسانه يوم يذكرني بخير=غير اصله الطيّب..عسى الخير فاله
مكانته فوق الشعر والتعابير=مايشرح الرجال قدر ابن خاله !
يامر علي وكل الآوامر تصير=ومالي ليامنّي خدمته جماله
مابيني وبينه حساب وفواتير=بيني وبينه قرب دم وزماله
اليا بغى شوري على الفور ابا آشير=واليا سأل..يلقى جواب لسؤاله
الحب يانواف كلّه محاذير =لاتامنه في ثورته وانفعاله
افنى طوابيرٍ وشتّت طوابير=واطيبهم اللي حط همه وشاله
والقول الاول يابن خالي والآخير=خير البشر عن خالق الخلق قاله
حب النساء .. وحب حمر الدنانير=فتنه تسوق الآدمي للجهاله
والحب في هالوقت (من دون تشفير)=وسبّب عنوسه فالبلاد وبطاله
ان طعتني بين الحمر والمغاتير=سجّ القدم..والحب مالك وماله
وصلاة ربي عد ماغرد الطير=على نبيٍ كمل الله خصاله[/poem]