السلام عليكم ورحمة الله وبركاته

هذي قصيده من الارشيف

[poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

بعض العرب قام يتكبر على ماش = ويرز نفسه لو مابه حصيله

لوكان شفنا قلباً ابيض من الشاش = واللي يغرر فيه واعزتي له

يمشي مع العالم مثل مشي الاكباش = واليا قفاهم قام يلعب بذيله

لكن جتك مدبله يالردي كاش = من فعلتاً قشرى ونكرى هزيله

سويت بك معروف واثرك نباش = تنبش علوماً من سنيناً طويله

لاخالك بلاشاً ولا جدك بلاش = كديش جابنه خيولً أصيله

واليوم فوقك عج وبروق ورشاش = الا على راسك تخيل المخيله

ماعاد لك في مجلس العز مدشاش = مجلس كراماً كاسبين الجزيله

ما يدخله خاين وكاذب وغشاش = ورفيقنا نبي نحصل بديله

يموت واحدانا على العز ما عاش = حياة واهواء النفوس الذليله[/poem]

وسلامتكم