:
:
:
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الحب ، مجنون عقل .. وعاقلٍ نابه = يسعد قلوب البشر .. مدري يعوّرها
والوصل ، مملك غلا .. يكتب غلا احبابه = في لذّةٍ كلّ منهم .. ماتصوّرها
والبعد ، قاطع طريق .. يديه نهّابه = يسرق رضا الامزجه .. حتى يكوّرها
والشوق ، طفلٍ .. حرَمه الوقت فالعابه = يبعثر البيت فوق اسفل .. يدوّرها
والحلم ، ساعي بريد .. يصبّر اصحابه = واكثر رسايل مراسيله .. مزوّرها
والوقت ، صيّاد فرْح .. يعيش فاالغابه = على طيور الهنا .. البندق يثوّرها
والشعر ، نجّار ماهر .. منخلع بابه = مزري من العام .. روحه لا يسوّرها
والقلب ، شحّاد ماي .. مرقّع ثيابه = معه تقارير .. من روحه مصوّرها
والعمر ، في كلّ هاذي حاسب حسابه = يطفي شموع الرجا غبن .. وينوّرها[/poem]
:
:
:
|