[poem=font="Traditional Arabic,6,deeppink,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تبين رايي وانا صدقي : تعاليم = في طلّتك يوم بينتّي حلاتك
أقسم قسم منذهل واقوم تعظيم = كنّك من الحور نقيّتي صفاتك
فتنه على الارض تمشي دون تكريم = مفروض فوق الملا مجمل حياتك
انتي قِطَع توت ممزوجه مع الغيم = وصفرَة شفَق والدجا بين اخصلاتك
وسودك هوَس بين تحديقه وتنويم = كنك السهر ينولد من سلهماتك
فيها براءة طفل ماشاف تحطيم = وتذويبة الثمل في بطء التفاتك
وعناّب مضموم في لمّة مظاليم = وكن الفرَج باب في سكّر نباتك
ياليتهم بس يدرون المفاطيم = عن ضحكتك والدلع في تمتماتك
والله ليبطون في الضحكات تحريم = وتلقين بعض اللعب في حاجياتك
يابخت فستانك وبخت المعازيم = ويابخت عود الحلاوه في شفاتك
ويابخت من عاشك افطارن وتصويم = ويابخت محارمك في قرب ذاتك
لو كان للزين في هالوقت تحكيم = الاوّله كاالاخيره مع بهاتك
ولو الاماني تجي قدمي متاويم = لااخمّها من صخا واقول جاتك
بس اتمنى عليّه بالملازيم = اقابلك من سعَه تثبت غلاتك
واعيش صافيك حتى تقنع الهيم = واكبد لهيب الجوى من طيبّاتك
واعطيك من خافق ن كلّه تقاسيم = حنان يبقى دفا حتى مماتك
انا لك ادروع ن تحفّك عن الضيم = واقرب لك من الوجن لمعطّراتك
والراي بك لو سردتِه من صفا الديِم = مع فتنتك: يصبح اسود من عباتك[/poem]
|