نص بمناسبة زواج :
الشيخ /مشعل بن قليّل العتيبي
وأبنه الأستاذ/فارس مشعل العتيبي
مع أصدق الأمنيات لهم بحياةٍ سعيده ...
ولكم أحبتي بالمرقاب
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]

في خيالي ذعذع الغربي بنسمه من عبيره=ساق لي مزنه من الاحساس بللني مطرها
والنسيم إن طاب جوّه كل شيٍ يستثيره = القصايدفي وجوده لو تعذّر ماعذرها
داعب إحساسي ..وداعبته ..وجاني من أخيره =كنّه اللي حاضرالحفله وغيره ماحضرها
قلت:ابسولف معه ..وأعطيه علمي ..واستشيره=وأسأله ..وأجاوبه واهديه من بحري دررها
قال:علّم .قلت:أبا أعلّم عسى بالامرخيره=الليال البيض شاهدهاعلى الدنيا قمرها
ليلةٍ مامثلها ليله على شبه الجزيره=الفرح عمّ الجزيره من بحرها لابحرها
قال:يامستوروش معنى هذا الليله كبيره؟=الليالي بكر..والافراح فيها ياكثرها
ابتسمت ..وقلت:ناظربالجماهير الغفيره =عدّهابالعين كان العين مايخدع نظرها
شوف كيف الناس جات مباركه من كل ديره =بالوفا..لاهل الوفا..وشيخوها تسبق جبرها
ساقهم طيب الرجال اللي لهم بالمجدسيره=ذايعين الصيت في بدوالديار وفي حضرها
من عشيره تكسب الطالات ياطيب العشيره= الشعريقضي سنين العمرماترجم فخرها
سطرت مجدٍمع الايام مابه مجدغيره =ومقتفيه أمجاديتعب في حصرها من حصرها
يشهدالتاريخ ..وأحداثه ..والايام العسيره =عزوة عتيبه تجمّل كل تاريخٍ ذكرها
قال:ونعم ميرليلتنا هذا الليله منيره =قلت:هي نجمين ونجوم السما تمشي باثرها
قال:مشعل؟قلت:مشعل .سعدمن مشعل شويره=كل ماصعبت لقيناعندأبوفارس خبرها
صادق الوقفات..والهقوات..مع طيب السريره=لاعزم ..لوالبحورالسبع قدّامه عبرها
كانهابالراي ..جارايه على بصر..وبصيره=كلمته تغنك عن بطن العلوم ..وعن ظهرها
وإن نخيته .. جاك فازع ينطح الخيل المغيره=شجرةٍ من طيب لاهزّيتهاتجني ثمرها
قال:فارس؟قلت:والأشواق في صدري كثيره=ليلته هذي ثلاث شهوروآنا منتظرها
صاحبي ..والصاحب الوافي لياجاني بشيره=جيت له ماهمني طول الدروب ..ولاقصرها
صاحبي وأعرف مواقيفه ولوسنّه صغيره =من صغرسنّه دروب المرجله يدفع مهرها
ماترك من فعل أبوه الشهم لو حبّة شعيره =جامعٍ مافاق من طيب الرجال ومن ظفرها
انشداللي جرّبه يوم الليالي مستطيره =فزعته عنّي ورب البيت ماعمره ذخرها
آتذكّرنخوته ..ويشبّ وسط الصدرغيره =كيف أباأجازيه في وقفاته اللي ياكبرها
مالقيت ألاّالقصيد اللي قدح بالفكرنيره =شاعرٍلاعزّله واحد له أبياته صخرها
تهطل أفكاره من أجله مثل الامطارالغزيره =سيلها ينبت على الاوراق مايحيي دهرها
والمواهب وهبة الوهاب ..والناس الخبيره =تعرف المتميّزه من فكرها ..ولاّصورها
والشعروهبه ..وورث جدودماني مستعيره =والمشاعرواااجده لكنّ حبّيت اختصرها
شاعرٍ لاذعذع الغربي بنسمه من عبيره =ساق له مزنه من الاحساس بللكم مطرها[/poem]

عشرين عام ..وماتغيّر ولاشي!
نفس الرسوم اللي على باب دارهـ
حتى شبابيكـ التلاقي كما هي!
النقش ..وألوان الحشب ..والستارهـ
معقول ياقلبي قديم الهوى حي!
بشّر ..وأخذ مني كبير البشارهـ