قال ويش اكتب عليه المعتمد والا المخلّـى
شاعرٍ توّه يربّط في حبـل صوتـه لحونـه
قلت وش عندك من الافكار عطنا بنتسلّـى
قال وضع الساحه مكركب بعد حمّر عيونـه
قلت وش دخّلك فيهم كل شخص وما تولّـى
المنتّـف ينتفونـه والمريّـش ينفخـونـه
قال سرقات وجـدل لطالمـا رحـب وهـلا
قلت جنب وقفةٍ عنده تبـي توصـل بدونـه
قال ابمدح قلت لا تمدح وضيعٍ مـا تعلّـى
ومستحقّ المدح يشهر بالظّفر ما يشهرونه
قال طيب والسياسـه قلـت ذالعالـم تبـلاّ
من بغى ينطق بكلمة حق يمكـن يذبحونـه
قال مفتين الديار افتـوا وشاهيهـم محلّـى
قلت ذنب الشّيخ برقبته وكسبه في متونـه
قال شفت المجتمع مخبوص والله ما يجلّـى
قلت جلّه جلّـك الله والـرّدى لا تكشفونـه
قال مشكلة الغرام اللي صدق واللي تغلّـى
اغلب الشعار في قاع الهوى تمطر مزونـه
قلت بعض الشعر شرهه لا يرزّ ولا يدلّـى
ودّك انّك تخرس اصحابه قبل مـا يكتبونـه
عندهم في كل قطر احبـاب حتـى فالمكـلاّ
لحن يكمشه البراد ولحن تمغطه السخونـه
ادّهر في شي غير الحب وقت الحـب ولّـى
مات مع قيس المسمّى قبل ماتنبت سنونـه
قال واشعار الحداثه قلت عطني معـك حـلاّ
هرج ماله فالقصيد الحيّ لـون ولا نمونـه
قال عقدت القريحـه بالتشـرّط قلـت كـلاّ
اكتب احساسك بدون رتوش تلقاني زبونـه
قصدي اعلّمك ليه الصّمت من تالي تجلّـى
واصبح اثمن من كثير الشعر لو ما يشترونه
قال ويش اكتب عليه المعتمد والا المخلّـى
شاعرٍ توّه يربّط في حبـل صوتـه لحونـه
قلت وش عندك من الافكار عطنا بنتسلّـى
قال وضع الساحه مكركب بعد حمّر عيونـه
قلت وش دخّلك فيهم كل شخص وما تولّـى
المنتّـف ينتفونـه والمريّـش ينفخـونـه
قال سرقات وجـدل لطالمـا رحـب وهـلا
قلت جنب وقفةٍ عنده تبـي توصـل بدونـه
قال ابمدح قلت لا تمدح وضيعٍ مـا تعلّـى
ومستحقّ المدح يشهر بالظّفر ما يشهرونه
قال طيب والسياسـه قلـت ذالعالـم تبـلاّ
من بغى ينطق بكلمة حق يمكـن يذبحونـه
قال مفتين الديار افتـوا وشاهيهـم محلّـى
قلت ذنب الشّيخ برقبته وكسبه في متونـه
قال شفت المجتمع مخبوص والله ما يجلّـى
قلت جلّه جلّـك الله والـرّدى لا تكشفونـه
قال مشكلة الغرام اللي صدق واللي تغلّـى
اغلب الشعار في قاع الهوى تمطر مزونـه
قلت بعض الشعر شرهه لا يرزّ ولا يدلّـى
ودّك انّك تخرس اصحابه قبل مـا يكتبونـه
عندهم في كل قطر احبـاب حتـى فالمكـلاّ
لحن يكمشه البراد ولحن تمغطه السخونـه
ادّهر في شي غير الحب وقت الحـب ولّـى
مات مع قيس المسمّى قبل ماتنبت سنونـه
قال واشعار الحداثه قلت عطني معـك حـلاّ
هرج ماله فالقصيد الحيّ لـون ولا نمونـه
قال عقدت القريحـه بالتشـرّط قلـت كـلاّ
اكتب احساسك بدون رتوش تلقاني زبونـه
قصدي اعلّمك ليه الصّمت من تالي تجلّـى
واصبح اثمن من كثير الشعر لو ما يشترونه
ابوراكان
اخاف اكتب اعجابي تحسب اني مبالغ فيه
صح لسانك بقدر اعجابي تحياتي ومحبتي
|