هذا يحلل كلّ عزف المغنين=وهذا يحرّم عزف كلّ الغناوي
كل ٍ يقول أنّه يسنّ القوانين=ثوبه على قدّه .. وبشته حساوي
موجة فتاوي وأكثر الناس مفتين=رواية ٍ وحده وتسعين راوي
مثواك يا بن باز وابن عثيمين=في جنة الفردوس بأمر ٍ سماوي
ندعي لكم ونردد آمين .. وآمين=في فقدكم زادت علينا البلاوي
غبتوا وعيّت لا تقرّ الموازين =ركب إختلاف الراي سارح وضاوي
لا شكّ ما أذمّ الشيوخ الميامين=ولا اقول فيهم شيخ بالشرع غاوي
مشكور مسعاهم على المذهب الزين=نلقى بهم لجروح الأمّه مداوي
الله يوحّدهم على نصرة الدين =ويعزّهم رغم إختلاف الفتاوي !
*************************************
صح الله لسانك يا سداح اشهد بالله انك وافي في جميع قصايدك
وهاذي القصيده تحمل شي لايدري عنه الكثير
لله درك ياسداح
تقبل مرور احد تلاميذك//حسين كايد
|