تطلع لك اشيا من مواقف ولاشي
وتصغر وتكبر ناس قدم الثقيلـه
لا تغرك الاسما من وين ومن أي
خل الفلك يفتـر ويـدور ويلـه
وتطويك لوعات الزمن تحتها طي
في وقتها قارن بالاسم وحصيلـه
وان طال بك ليلك يبي ياتي الضي
ويطعنك من تشكيه بمن تشتكيله
تجارب الايـام ومسامـر الكـي
دروس والرجّـال عقلـه دليلـه
والشجرة اللي مابها للعرب فـي
يالله تحرمهـا سحـابٍ تخيـلـه
لانافعـة ميـت ولانافعـة حـي
غصنٍ يباس وكـل ريـحٍ يميلـه
الطيب شي ولايقارن معـه شـي
والبخل ماعـز اليديـن البخيلـه
ابو فراس
صح لسانك شاعر حكيم الله يضرك
تقبلوا مروري + إعجابي الشديد بهذه الفاتنه
|