[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تروح السوالف وقت وتعود بعض أوقات = وليا عودت زان المكآن وتراتيبه
لو أن العلوم اليوم ماهيب فالهقوات = تروح وتجي وأحضورها يشبه الغيبه
وأنا والله أني ما أحمط الناقد الشمات = ولا احب تصديقه ولا أحب تكذيبه
أعلومي وهي بين الرياجيل صك اثبات = اقصّر مداها خوف من كلمة العيبه
لكن يا فهد ومسارق الذات دون الذات = هذا طفل يفهمها وهي تحرج الشيبه
ضمير الرجل في داخل الرجل لا من مات = تدالت عليها وكثروا الشك والريبه
لكن قبل لا تفهم كلآمي على النيات = بأقول لك كلمة حق والزور وش لي به
ليا صحت فالضلعين رد الصدى لك هات = وليا طحت تلقى شربة من مشاريبه
كلامي وانا ادري به بعيدا عن الشكات = أماري ومثلي كل وافي يماري به
لكن لي ثمان سنين لو السنين افوات =أسوق القدم لمعانق الطيب واحري به
واغض البصر واجر نفسي صبر واسكات = على شان ما افقد نظرة العز والهيبه
[/poem]
|