[poet font="Simplified Arabic,5,blue,normal,normal" bkcolor="transparent" bkimage="" border="none,4,gray" type=3 line=200% align=center use=ex length=0 char="" num="0,black" filter=""]



البارحه فوق الورق تكسّـر الحلـم وقريـت
حتى كرهت البارحه ياصاحبي كـل الـورق


هذي دموعك في يدي نادت على الدمع وبكيت
واحرقت وجنات الورق لين احترق لين احترق


ان كان تسألني نسيت اقسملك انـي مانسيـت
لكنّ لحظه بسألك الحيـن يعنـي وش فـرق؟


لاتشتكي وش تشتكي..الهم حيّ..الحـظ ميـت
واللـي نبيـه يسرّنـا كنّـه كرهـنـا وادّرق


كل الطرق ضد الغلا من وين وجّهت وسريت
ياحسبي الله والفـرح كـان بيدينـا وانسـرق


لو كنت اعرف ان الزمن يهدم غلانا مابنيـت
ولاتجي في خاطرك..ماودي احيـا فـي أرق


ماودي اترك خافقي في سيرتـه ياليـت ليـت
ولاودي افقـد مزنـةٍ برّاقهـا فوقـي بـرق


الله وكيلك والصدر للحـزن والونـات بيـت
وان كان ماربّي لطف يمكن اموت من الغـرق



[/poet]

[poet font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
حلمنا اصبح سراب ومابقى للحلم قيمه=مات.. لكن والله ان الحب باقي مايموت

[/poet]