سلطان بن حامد

كلـّها فتل ونقض : )


ابو مشعاب /

صياف جايبله فرس يبغاني اعطيه البعير
وسليم ما تاخذ حمير الناس سد جمالها
هاذي رواحلكم منول مدة الوقت العسيـر
الحومها ما تنوكـل وديوسهـا لعيالهـا




صياف الحربي /

الخيل تبغى رجل فارس وانت راسك مستدير
وان كان ما تعرف ركوب الخيل انا خيالهـا
هاذي رحايلنا تسد النوب فالوقت القصيـر
وانته ما تعرفها ولا تقـدر تشـد رحالهـا


ابو مشعاب /

استاق عيرك لا يضلي عندنـا ينفـر نفيـر
يزعج بوابير البحور اللـي تشيـل اثقالهـا
اثر الحمير اشكال شي منها كبير وشي صغير
وهاذي فصيلة قبل لا جتنـا ولا جينـا لهـا

صياف الحربي /

سليم اثرهم ما يعرفون الخيول من الحمير
ما يعرفون الا الجمال بقيدهـا وعقالهـا
بكره عباد الله يسمونك عمى وانته بصير
واللي ما تدري عن ركوب الخيل وعزالها

ابو مشعاب /

هاذي عطايا الله كبار الروس فالصحرا تسير
اليا بغينا نقطـع الفرجـه نمـس حبالهـا
منها البكار اللي لبنها يجبر العظم الكسيـر
ما هي رحايل مانعرف الوانهـا واشكالهـا

صياف الحربي /

تعلم الشايب والا انته يا عوض الله غريـر
الناس حطت في خيول الحرب روس اموالها
هاذي ليا صاح المصيح فاول الفزعة تغيـر
ما هي سوات بعيرك اللي حالته يرثى لهـا

@s_7amd