ناصر تراحيب

صحيبي منوّل كل ماحل شهر الصوم
يكلـم ولاماكلـم ارسلـي رسـالـه
وهالحين عيد الفطر باقي عنه كم يوم
لاكلم ولا ارسل والله اعلم عن احواله
وانا ادري عليّ اللوم ولاعليه اللـوم
ولو اني مااعزه قلت ذا مالي ومالـه
لكن صاحبي طيب وانا ماني بمليـوم
بادوّر لعذره لين احطـه علـى بالـه
لعلّه ليامنه صحى من سبـات النـوم
يقول ان رقمي ضاع من وسط جواله




قمّة النبل .
وقمّة الإبداع

رساله راقيه إلى ابعد الحدود

سعود ،
منجم ذهب

الله لا يضرك